Студенттік спорт бойынша менеджер, Студенттермен жұмыс жүргізу департаменті

4.1. Операциялық басқару және үйлестіру:

1) студенттік спортты дамытуға қатысты операциялық қызметті басқару;

2) Университетте спорттық және дене шынықтыру-сауықтыру өмірін үйлестіруге, жоспарлауға және дамытуға қатысу;

3) спорт клубтары жаттықтырушыларының қызметін үйлестіру, қызмет көрсету шарттарын, қаржылық есептілікті және жаттығу кестелерін бақылау және басқару;

4) Университеттің құрама командалары үшін спорт киімдері, жабдықтар мен спорт құралдарын есепке алу және тарату;

5)  Университеттің спорт нысандарында тазалықтың, жалпы тәртіптің, тәртіптіліктің, еңбекті қорғау нормаларының, өрт қауіпсіздігінің, техника қауіпсіздігінің, санитария мен гигиена талаптарының сақталуына мониторинг жүргізуге қатысу.

4.2. Ынтымақтастық және сыртқы байланыстар:

1) Қазақстан Республикасындағы және шетелдердегі спортты дамытуға жауапты басқа университеттермен, жастар ұйымдарымен және жергілікті органдармен ынтымақтастықты орнату және дамытуға қатысу;

2) Университеттің қарым-қатынас жөніндегі менеджерімен бірлесе отырып, студенттердің спорттық өмірін және салауатты өмір салтын ілгерілету үшін Университеттің басқа бөлімшелерімен қарым-қатынасты дамыту;

3) өз құзыреті шегінде мемлекеттік органдармен, басқа ұйымдармен және Университет бөлімшелерімен консультация беру жұмыстарында қатысу.

4.3. Қаржылық басқару және құжаттама:

1) тауарлар мен көрсетілетін қызметтерді сатып алуға бюджетті уақтылы қалыптастыруды қоса алғанда, студенттік спортты қаржыландыруға байланысты операциялық қызметті жүзеге асыру;

2) спорттық қызметтің қаржылық аспектілеріне қатысты қажетті құжаттаманы дайындау.

4.4. Жоспарлау және дамыту:

1) студенттік спорт ұйымдарының қызметін әзірлеу және үйлестіру, олардың жылдық жұмыс жоспарын дайындау;

2) Университет өмірінде спорт және дене шынықтыруды дамыту бойынша басшылыққа ұсыныстар дайындау.

4.5. Студенттерге консультация беру және қолдау:

1) қалалық, республикалық және халықаралық турнирлер мен жарыстарға қатысатын студенттерге консультациялар беру және қолдау көрсету.

4.6. Тәуекелдерді басқару және мониторинг:

1) өзінің жауапкершілік саласы шеңберінде тәуекелдерді сәйкестендіру, бағалау, басқару және мониторингтеу процестерін бақылау;

2) өз құзыреті шеңберінде Бөлімше бастамашылық жасаған шарттар мен қосымша келісімдердің жобаларын әзірлеу, оларды жасасу және олардың орындалуына кейінгі мониторинг жүргізу.