Ғылыми технолог (Аналитикалық химия)

Лауазымның мақсаты (көздеуі)

Өлшеулердің дәлдігін, қайталанымдылығын және қауіпсіз еңбек жағдайларының сақталуын қамтамасыз ету мақсатында өндірушілердің нұсқаулықтарына сәйкес талдаулар мен өлшеулер жүргізеді, пайдаланушыларды оқытады, сондай-ақ бекітілген жабдыққа техникалық қызмет көрсету, талдауларға дайындау және калибрлеу бойынша регламенттік жұмыстарды орындайды.

Міндеттері (міндеттер, негізгі жауапкершілік салалары және функциялары)

Бөлімше қызметін стратегиялық және операциялық басқару:

1. тікелей басшының нұсқаулары мен тапсырмаларын адал орындау, жұмыстардың орындалу барысы туралы уақтылы кері байланыс беру және күтілетін нәтижелердің орындалуын қамтамасыз ету;
2. Бөлімше шеңберіндегі операциялық жағдай, тәуекел аймақтары, кадрлық мәселелер және стратегиялық мүмкіндіктер туралы тікелей басшымен тұрақты әрі ашық коммуникацияны қамтамасыз ету;
3. тікелей басшының және Бөлімше басшысының мақсаттары мен бастамаларын белсенді түрде ілгерілету және іске асыру, үлгі бола отырып, қызметкерлерге, серіктестерге және пайдаланушыларға қолдау көрсету;

Университеттің ғылыми-зерттеу жабдықтарына қолжетімділікті ұйымдастыру және ғылыми өлшеулер жүргізуге жәрдем көрсету:

1) Аналитикалық химия, материалтану, микроскопия және биология салаларындағы жабдықтарда тәжірибелер мен өлшеулер жүргізу;

2) Ғылыми-техникалық ақпаратты жинау және зерделеу, кейіннен эксперименттер мен өлшеулер нәтижелерін талдау мен теориялық тұрғыдан жинақтау, сондай-ақ есептер дайындау;

3) Университеттің ғылыми-зерттеу жобалары шеңберінде эксперименттік және зертханалық жұмыстарды орындау кезінде ғылыми қызметкерлерге, профессор-оқытушылар құрамына және студенттерге техникалық консультациялар беру;

4) Жабдықтың жаңа пайдаланушыларына консультациялар беру және оларды оқыту, сондай-ақ басқа пайдаланушылардың жұмысын мониторингтеу;

5) Университеттің ғылыми қызметкерлері мен зерттеушілеріне сапалы ғылыми қызметтердің көрсетілуін қамтамасыз ету;

6) Пайдаланушыларға тиімді қызмет көрсету мақсатында эксперименттік қажеттіліктер мен техникалық мәселелерді талқылау, хаттамаларды әзірлеу және кейіннен енгізу бойынша пайдаланушылармен өзара іс-қимыл жасау, сондай-ақ проблемалық және даулы жағдайларды жедел шешу үшін байланыс тұлғасының функцияларын орындау.

Ғылыми-зерттеу жабдықтары мен зертханалық үй-жайларды басқар:

1. Кезеңдік диагностика мен профилактикалық техникалық қызмет көрсету жұмыстарын үйлестіру арқылы зертханалық жабдықтардың тиімді әрі үздіксіз жұмыс істеуін қамтамасыз ету;
2. Жабдықтың жұмысында ақаулар мен істен шығулар туындаған жағдайда, жөндеу жұмыстарын өз күшімен және/немесе білікті мамандарды тарта отырып уақтылы жүргізу;
3. Әзірленген нұсқаулықтар мен өзге де техникалық құжаттамаға сәйкес жабдықтың әртүрлі тораптарын кезеңдік калибрлеу және юстирлеу арқылы ғылыми-зерттеу жабдықтарын техникалық пайдаланудың жоғары деңгейін қамтамасыз ету;
4. Университеттің ғылыми қауымдастығының сұраныстары мен ғылыми-зерттеу жобаларының қажеттіліктеріне сәйкес зертханаларды техникалық жарақтандыру, зертханалық жабдықтар мен шығыс материалдарын сатып алу жоспарларын әзірлеуге қатысу;
5. Зертханалардың паспорттарын, зертханалардағы және ғылыми-зерттеу жабдықтарын пайдалану кезіндегі қауіпсіздік техникасына қатысты қағидалар мен рәсімдерді әзірлеуге қатысу;
6. Ғылыми-зерттеу жабдықтарын пайдаланатын қызметкерлер мен пайдаланушылар арасында зертханалық қауіпсіздік пен еңбекті қорғау мәдениетін енгізу және дамытуға жәрдемдесу.